बे.न.पा.वडा नम्बर २,७र८ मा आज मिति २०८२/१२/०३ गते रोजगार सेवा केन्द्र का रोजगार संयोजक , वडा अध्यक्ष तथा वडा सचिव ज्यूहरु संग सम्बन्धित वडाहरुमा   तपसिल बमोजिमका विषय वस्तुहरुमा रहेर, अन्तरकृया , छलफल तथा स्थल भ्रमण कार्यक्रम सम्पन्न गरियो । 
तपसिल : 
    1.    आ. व २०८३/०८४ का लागि बेरोजगार दर्ता फारम  भर्ने सम्बन्धमा छलफल तथा अन्तरकृया सम्पन्न ,
    2.    बैदेशिक रोजगारीलाइ सुरक्षित , ब्यबस्थित  तथा मर्यादित बनाउने उदेश्यले गहन अभिमुखिकरण कार्यक्रम  ऐ ऐ वडाहरुको कुन स्थानमा ?कहिले ? र कसरी गर्ने बारे सम्बन्धमा छलफल ,
    3.    सुचिकृत बेरोजगारहरु  मध्यबाट न्यूनतम १०० दिनको रोजगार सम्बन्धमा आ.व. २०८२ का  लागि सम्झौता भयको आयोजनाको स्थलगत भ्रमण कार्यक्रम गरिएको सम्बन्धमा ।

आज मिति २०८२ साल माघ २६ गते सोमबारका दिन बेसीशहर नगरपालिका र भेटेरीनरी अस्पताल तथा पशु विज्ञ केन्द्र,
लमजुङकाबीच बेसीशहर नगरपालिका क्षेत्रभित्रका सामुदायिक तथा घरपालुवा कुकुर वन्ध्याकरण अभियान सञ्चालनका लागि
समझदारीपत्रमा हस्ताक्षर भएको छ । यस समझदारी अनुसार दुवै पक्षबाट दुई/दुई लाख बजेट खर्च गरिनुका साथै प्राविधिक
जनशक्ति व्यवस्थापन गरी फाल्गुण मसान्तभित्र उक्त अभियान सञ्चालन गरिने छ । यस कार्यक्रमले बेसीशहर नगरपालिका
क्षेत्रभित्र तीव्र रुपले बृद्धि भइराखेको सामुदायिक कुकुरको संख्यालाई नियन्त्रण गर्न सघाउ पुग्नेछ। यस सम्झौतामा बेसीशहर
नगरपालिकाका प्रमुख प्रशासकीय अधिकृत श्री सुमन अधिकारी र भेटेरीनरी अस्पताल तथा पशु विज्ञ केन्द्र, लमजुङका प्रमुख
डा. सुनिल न्यौपानेले हस्ताक्षर गर्नुभएको थियो भने उक्त कार्यक्रममा बेसीशहर नगरपालिकाका नगर प्रमुख श्री गुमानसिंह
अर्याल, उपप्रमुख श्री पद्मा गुरुङ तथा पशुसेवा शाखा प्रमुख श्री युवराज सुनारको समेत उपस्थिति रहेको थियो ।