पाठेघरको मुखको क्यान्सर रोग विरुद्धको नियमित एच.पि.भी खोप अभियान अन्तर्गत कक्षा ६ मा अध्ययनरत छात्राहरू, विद्यालय नजाने १० वर्ष उमेरका किशोरीहरू तथा गत वर्षको अभियानमा छुटेका कक्षा ७ देखि १० सम्म अध्ययनरत र ११ देखि १४ वर्ष उमेर समूहका किशोरीहरूलाई लक्षित गरी मिति २०८२/१०/२७ गतेदेखि २०८२/१०/२९ गतेसम्म अभियान सञ्चालन गरिएको छ। अभियानको पहिलो दिन बेसीशहर नगरपालिका भित्रका २६ वटा विद्यालयमध्ये १६ वटा खोप केन्द्रबाट १८० जना छात्राहरूले खोप सेवा लिएका छन्।