आज मिति २०८२ साल माघ २६ गते सोमबारका दिन बेसीशहर नगरपालिका र भेटेरीनरी अस्पताल तथा पशु विज्ञ केन्द्र,
लमजुङकाबीच बेसीशहर नगरपालिका क्षेत्रभित्रका सामुदायिक तथा घरपालुवा कुकुर वन्ध्याकरण अभियान सञ्चालनका लागि
समझदारीपत्रमा हस्ताक्षर भएको छ । यस समझदारी अनुसार दुवै पक्षबाट दुई/दुई लाख बजेट खर्च गरिनुका साथै प्राविधिक
जनशक्ति व्यवस्थापन गरी फाल्गुण मसान्तभित्र उक्त अभियान सञ्चालन गरिने छ । यस कार्यक्रमले बेसीशहर नगरपालिका
क्षेत्रभित्र तीव्र रुपले बृद्धि भइराखेको सामुदायिक कुकुरको संख्यालाई नियन्त्रण गर्न सघाउ पुग्नेछ। यस सम्झौतामा बेसीशहर
नगरपालिकाका प्रमुख प्रशासकीय अधिकृत श्री सुमन अधिकारी र भेटेरीनरी अस्पताल तथा पशु विज्ञ केन्द्र, लमजुङका प्रमुख
डा. सुनिल न्यौपानेले हस्ताक्षर गर्नुभएको थियो भने उक्त कार्यक्रममा बेसीशहर नगरपालिकाका नगर प्रमुख श्री गुमानसिंह
अर्याल, उपप्रमुख श्री पद्मा गुरुङ तथा पशुसेवा शाखा प्रमुख श्री युवराज सुनारको समेत उपस्थिति रहेको थियो ।

बेसीशहर, मिति २०८२/१०/१०
बेसीशहर नगरपालिका, शिक्षा, युवा तथा खेलकुद शाखाको आयोजनामा नगरभित्रका सामुदायिक विद्यालयहरूको लेखा प्रणाली, जिन्सी व्यवस्थापन, सामाजिक परीक्षण तथा दोहोरो लेखा प्रणालीलाई थप व्यवस्थित र प्रभावकारी बनाउने उद्देश्यले १ दिने क्षमता विकास कार्यक्रम सम्पन्न भएको छ।कार्यक्रममा विद्यालयको आर्थिक तथा प्रशासनिक कार्यलाई पारदर्शी, उत्तरदायी र प्रविधिमैत्री बनाउने विषयमा सहजिकरण गरिएको थियो। तालिममा बेसीशहर नगरपालिकाका प्रमुख प्रशासकीय अधिकृत श्री सुमन अधिकारी, लेखा शाखा प्रमुख श्री सृजना पौडेल र  शिक्षा शाखा प्रमुख श्री सिर्जना पाण्डे चिलुवालले प्रशिक्षण तथा सहजीकरण गर्नु भएको थियो।तालिम कार्यक्रममा नगरभित्रका सामुदायिक विद्यालयका प्रधानाध्यापक तथा विद्यालय कर्मचारी गरी जम्मा ५२ जनाको सहभागिता रहेको थियो। सहभागीहरूले तालिमले विद्यालय व्यवस्थापनमा देखिएका व्यवहारिक समस्या समाधान गर्न सहयोग पुग्ने विश्वास व्यक्त गरेका छन्।नगरपालिकाले आगामी दिनमा पनि विद्यालयको शैक्षिक गुणस्तर सुधार र सुशासन प्रवर्द्धनका लागि यस्ता क्षमता विकास कार्यक्रमलाई निरन्तरता दिने जनाएको छ।

२८औँ राष्ट्रिय भूकम्प सुरक्षा दिवस २०८२
र्यालि तथा सचेतनामूलक सडक नाटक कार्यक्रम सहित सम्पन्न ।
प्रस्तुतिका लागि विद्यार्थी भाइबहिनीहरुलाई हार्दिक धन्यवाद ।